نتحضّر للامتحانات

غرقان/ة بكومة كتب ,تلخيصات ودفاتر؟ بتعرفش/يش كيف تتخلص/ي منهم ؟ اهم شيئ ترموهنش! استغلّ/ي الفرصة للحفاظ على البيئة ولمساعدة الزملاء على مقاعد الدراسة

الفصل على وشك يخلص, قبل شوي من فترة الامتحانات,اكيد بتعملوا ترتيباتكم/ن بكل الفوضى اللي تجمعت خلال الفصل , واكيد عم بتحاولوا  تفهموا شو ممكن تعملوا بكلشي مش بحاجه له.هون احنا منفوت عالصورة!

في مدخل بيت الطالب, عجهة اليسار تحت شباك الاستقبال بمكتب خدمات النقابة ( او باسمه الشعبي- الاكفاريوم),بستناكوا صندوق لترجيع المواد التعليمية .

الاشي مفيد؟

كل نهاية فصل بيتنظم معرض "منتحضّر للامتحانات "  فيه بتقدروا تلاقوا وتوخدوا المواد المهمة لكم اللي رجعوها طلاب وطالبات اخرين.الفكرة الرائعة هاي مؤسسة على مبدأ "خد وأعطي".خلال كل السنة بتجمّع بالصندوق كل المواد اللي ممكن تحتاجوها,احنا منرتب المواد وانتوا بتقدروا تجوا وتشوفوا وتاخدوا شو بناسبكوا  من المعرض!

بشو ممكن نتبرّع؟ 

كراسات امتحانات,تلخيصات, كراسات تمارين,اوراق قوانين,وكل اشي ممكن يساعد شرط يكون مقروء ومرتب .

انتبهوا !

الرجاء ارفاق بطاقة عليها اسم القسم التعليمي واسم الكورس(المساق) أو كتابة معلومات عن المواد نفسها,عشان تساعدونا بالتصنيف والترتيب.

تفضلوا بكل يوم وكا ساعة عالصندوق واتركوا فيه المواد ( بجانب مكتب خدمات النقابة ببيت الطالب) كل المواد اللي انتوا مش بحاجتها رح تنتقل للاجيال الجاي .

للاستفسارات, يرجى التوجه للجهات المسؤولة:

נגישות